Child-insensitive children's party, nagdulot ng anxiety sa bata

Dumalo kami sa isang children's party na dinaos sa Mc Donald's. Siyempre, excited kaming lahat kasi alam naming makakabuti ito sa social skills ng aming anak na noon ay 3 years old pa lang.

Nakakatuwa at masiglang nahalubilo ang anak namin at sumasali sa games. Sayaw dito. Laro doon. Kaya lang, yung emcee hindi ata natrain sa children's party hosting. Nagyaya kasi siya ng mga bata na sumayaw sa harapan at may gift silang matatanggap. Natural mente, isa ang anak ko sa dalawang batang nagsayaw. Kaya lang nang matapos ang laro, yung isang bata lang ang binigyan niya at nakalimutan niya ang anak ko. Kitang-kita ko ang lungkot sa bakas ng mukha ni Kulas - hindi ka ba natuwa sa ginawa ko? Mali ba ang ginawa ko? Siyempre para sa isang bata, mahalaga ang pagbuo ng self-esteem sa pamamagitan ng mga papuri natin. Mahalaga rin sa kanilang matutunan ang konsepto ng "keeping your promises" na kapag sinabing may prize at the end of the game, ay mabibigyan talaga sila nito.

Resulta: parang makahiyang nagsiksik sa amin ang anak ko. Maya-maya pa ay nagsuka na. Natensyon ata. Ano ba yan McDonald's! Hindi lang basta party ang children's party! Siguro unhappy ang childhood ninyo! Hmp!