Narinig nyo na ba ang balitang ito? Magsosoli daw ng mahigit PhP 2B ang Meralco sa atin, yung pera na yun daw ay mula sa deposito natin sa metro ng kuryente. Dapat lang naman dahil hindi naman sa kanila ang perang iyon, sa atin iyon.

Isa pa, itong si Juday, panloloko ang sinasabi tungkol dyan sa system loss. Una, ang kuryente ay hindi pre-paid tulad ng sinasabi nya, post-paid ito, kaya nga may metro. Ibig sabihin babayaran lang dapat namin kung ano ang ginamit namin, at hindi kung magkano ang inorder namin sa Meralco. Kaya maling ikumpara ang kuryente sa isang produkto na binili mo sa tindahan saka mo gagamitin, ginamit na muna natin saka natin babayaran. Juday, ayus-ayusin mo naman, dahil may pambayad ka kasi ng kuryente pero kami wala

Magandang balita sana ito, dahil libreng sakay ang MRT sa June 12 bilang selebrasyon ng Araw ng Kalayaan, kaso nagtataka ako at bakit 7-9 ng umaga at 5-7 naman sa hapon lang libre. Akala ko ba selebrasyon ng Araw ng Kalayaan, mukhang oras ng kalayaan lang ang ginugunita ng may-ari ng MRT. Maganda siguro na ipaalala sa MRT na 24 oras ang mayroon sa isang araw. Tsk tsk.

MRT giving free rides on Independence Day

By Abigail Kwok
INQUIRER.net
First Posted 11:34am (Mla time) 06/04/2008

MANILA, Philippines -- To celebrate Independence Day on June 12, the Metro Rail Transit (MRT) will be offering free rides, public information officer Lysa Blancaflor said on Wednesday.

Dito sa atin sa Pilipinas, ubod ng mahal ng gamot. Kaya marami sa ating mga kababayan, sa halip na bumili ng gamot, bigas na lang ang bibilhin, kaso hindi naman kayang gamuting ng bigas ang tuberculosis o iba pang karamdaman. Mas malaki pa ang problema natin ngayon dahil tumataas ang presyo ng gasolina, ng pagkain, lahat tumataas, kaya tayo ay nasa lupa at pilit na inaabot ang gamot na anduon sa kalangitan.

Magandang negosyo din ang drug store, kaya naman sa lugar namin, kaliwa't kanan ay may botika. Malaki kasi ang kita dahil sa napakalaki ng patong nila sa presyo. Malaki nga ang tubo nila, butas naman bulsa natin.

Hindi ako sigurado kung bababa talaga ang presyo ng gamot dahil sa batas na ito, pero isa lang ang sigurado ako, lahat tayo galit sa mahal na presyo ng gamot!